As miñas cancións son todas sobre Quins -e Ourense provincia en xeral-, con letras bastante agrias, por moi divertidas que parezan. Pero ao chegar o verán sentín que necesitaba algo máis festivo, unha breve canción de río. E, realmente, así é como debería titularse: "ao río", ou o máis localista "as pozas de Melón", só que cando escribín "na tvg poñen hoxe a peli...", recordei que ese filme era "Pauline à la plage" (non é que me gustara moito, pero Pauline si que era guapa... algo noviña, pero guapa!). Así, convertín a letra nunha serie de viñetas bastante prototípicas do verán (e ollo, que non a fixen a propósito para este concurso!)... A sensación de omnipotencia, os días libres, o amor reencontrado, as suízas que veñen de vacacións ("permítame usted, señorita")...Se ben proximamente empezo a ensaiar cunha banda ("Emilio José e Os Pentagramas"), nesta canción gravei e cantei eu todo.

Deixa que me espete,
que logo as cousas han ser moito mellor
Deixa que me espete,
que logo todo se ve moito mellor...Ahh, que gran caída
Ahh, pero que gran caída!

Deixa que me espete,
que así as cousas vense moito mellor
Deixa que me espete,
que logo todo vai ser moito mellor

Uh, que ledicia os domingos que dá o sol e non hai nada que facer!
Uh, cantos meses pensei en ti e agora disme que me vas querer!
Uh, na tvg poñen hoxe a peli que eu non tiven tempo para ver!
Hoxe é distinto! Todo é coser e cantar!

Deixa que me espete, que se me espeto, espetado esperarei!
(*permítame usted, señorita*)
Baile tropical, baile en Venezuela, baile en Paraguay, baile nas Mestas...

(buscaba petróleo
e encontrei gas natural)