O mexillón galego (Mytilus galloprovincialis) é un molusco bivalvo que vive en comunidades máis ou menos numerosas na zona de mareas ou por debaixo destas, pero sempre en sitios de pouca profundidade. Atopase suxeito as rochas e adirese por medio do seu pé; biso. Este sistema é aproveitado polos miticultores galegos para fixalo as cordas que penden das bateas.

O mexillón galego ten unha característica en forma de hacha, puntiaguda e grosa no seu extremo anterior, e moi longa e estreita na posterior. A súa cuncha está formada por dúas partes iguais de carbonato cálcico de cor negro azulado onde se ven as liñas que nos indican o seu crecemento.

No seu aspecto interno, o manto, ten polo xeral unha cor alaranxada moi diferente a outras zonas de producción. O mexillón de Galicia é unha gran fonte proteínica de excelente calidade, o que o converte nun alimento de especial interese saudable.

Na costa Atlántica atopánse as especies M. edulis e M. galloprovincialis, esta última é a máis común en Galicia. Existen tres tipos de mexillón:

• Mexillón atlántico: Mytilus edulis. Molusco de ata 10 cm de lonxitude, de valvas iguais de cor entre parda e azulada, con bordo liso. É moi semellante ao mexillón rubio, e habita sobre substrato duro nas zonas de esteiro e do mesolitoral e do infralitoral, onde forma colonias. Cultivase en países como Francia e Países Baixos. En Galicia está presente pero en menor medida que o M. Galloprovincialis.

• Mexillón rubio: M. Galloprovincialis. Molusco de ata 10 cm de lonxitude, formado por unha cuncha de dúas valvas iguais, de contorno triangular, de cor negra azulada e con estrías de crecemento concéntricas; no interior está o corpo, mol, envolto polo manto, de cor crema alaranxada. Cultivase en España (Galicia, Cantabria, Comunidade Valenciana) Francia e Países Baixos, e en menor medida en Reino Unido, Italia, Portugal, Noruega e Alemaña. No resto do mundo cultivase principalmente en países como Venezuela, Chile, India, Thailandia, México e Cuba.

• Mexillón cebra: Dreissena polymorpha. Molusco lamelibranquio de auga doce e 4 cm de lonxitude e que non é comestible. Na Península Ibérica considerase unha especie invasora especialmente perigosa, procedente do Mar Caspio e Negro.

• Mexillón de río: Madreperla de río. Molusco lamelibranquio uniónido que habita nas augas dalgúns ríos galegos non afectados pola contaminación e con correntes non moi fortes. Está presente en Galicia e Asturias.