Vieiros

O voceiro dos bispos recoñeceu os "prexuízos" cos que a Igrexa vén afrontando este debate nos últimos anos, e asegurou que a Igrexa está "moi preocupada por un problema de saúde pública que mata millóns de persoas". Aínda así, Martínez Camino explicou que a nova posición quere enmarcarse en propostas "científicas" coma a aparecida na prestixiosa publicación científica The Lance, que nun intento de deseñar "unha base común no contorno de diferentes escenarios sociais e culturais" propuxo a denominada "estratexia preventiva ABC. A letra A pola abstinencia sexual, a B pola fidelidade, do inglés be faithful e a C pola recomendación do uso do condón"

Lembrámoslles que dende o programa da ONU contra a SIDA tense criticado a postura oficial do Vaticano neste debate, acusando á Igrexa católica dunha irresponsabilidade "que custa millóns de vidas". "Cando os sacerdotes predican contra o uso dos medios de contracepción están cometendo unha falta moi grave que custa vidas humanas", acusou o seu director hai un par de anos, "nin sequera lles pedimos que promovan o uso do preservativo, só que deixen de prohibir que se use". The Guardian publicou unha reportaxe onde achegaba probas de como misioneiros católicos difundían entre as comunidades nas que traballaban a idea de que os condóns "teñen poros por onde deixan pasar o virus". A OMS extendeu esa acusación a sacerdotes e monxas católicos de todo o mundo.