Publicación Murguía
A Volta dos Nove: notas para unha historia da represión franquista no Val Miñor
Os primeiros meses Na súa edición do 18 de xullo de 1936 El Pueblo Gallego incluía na portada un artigo sobre a carestía do petróleo, criticaba o deficiente subministro e pronunciábase contra a alza dos seus prezos que repercutiría sobre "la clase media activa de industriales e intelectuales, pequeños propietarios y usufructuarios de rentas de trabajo modestas", ao tempo que poñía a Francia como modelo a seguir. Debaixo do anterior recolle a nova da entrega do Estatuto de Galicia ao Presidente da República e destaca unha frase pronunciada por Castelao nese acto: "Espero y deseo que el Estatuto de Galicia sirva para consolidar la República y la democracia."
Nas paxinas interiores o mesmo xornal anunciaba as festas que se ían celebrar en Sabarís, en honor a Santa Cristina patroa da parroquia. O día 23, salva de bombas e repique de campás en anuncio das celebracións; pola tarde, pasarrúas da banda de Lantaño e concerto na praza; a seguir solemnes vésperas e gran verbena ata a madrugada. As rúas con "iluminación veneciana" e foguetes abundantes e variados. Ao día seguinte, 24, salva de bombas e diana pola banda de música e as gaitas; ás dez gran misa solemne a toda orquestra na parroquial; as doce concerto e "paseo de moda"; ás cinco da tarde gran baile que se prolongará ata as doce da noite cando unha gran tirada de foguetes anunciará o remate das festas.
Aqueles días que se anunciaban festivos en Santa Cristina da Ramallosa e no concello de Baiona virarían tristemente en días de tensión e logo de crime. Sabarís sería ademais o punto de inicio das violentas xornadas do 14 e 15 de outubro de 1936 que conmocionarían a todo o Val Miñor e marcarían para sempre o territorio da traxedia coa denominación da Volta dos Nove...
» máis en Murguía. Revista Galega de Historia
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto