Vieiros

Discuten os nosos foreiros cal debería ser o nome da policía galega e fan varias propostas: dende o austero "Policía Nacional (da nación galega, claro)", até o máis histórico "Irmandade Xeral" ou "Irmandade Galega", cos seus derivados "irmandiños", "Varas da irmandade". Unha proposta para o novo estatuto recomenda "A Garda" e aí tamén florecen os derivados: garda nacional, garda irmandiña, garda galega, mozos de garda... Os máis rexoubeiros optan por calcar "maderos" ou mesmo chamarlles Rangers da Galiza. Poden seguir apuntando e discutindo propostas no Foro de Vieiros.