Vieiros

Cada neno disporá de cadanseu caderno onde debuxará as súas características persoais, contos dos Bolechas, autoadhesivos, crebacabezas, mochilas e camisetas, que xa se comezaron a repartir nas escolas infantís públicas que dependen de Vicepresidencia e nos centros de educación infantil da Consellería de Educación. Escolléronse os personaxes dos Bolechas porque son coñecidos tanto polo alumnado como polo profesorado.

Amais disto, trátase de fomentar o uso da lingua dende a etapa preescolar, como estabelece o Plan xeral de normalización da lingua galega, e de educar en valores como a igualdade para previr a violencia de xénero. O orzamento da campaña é de 643.000 euros, dos que 472.000 foron achegados pola Secretaría Xeral de Política Lingüística, 100.000 por Educación e 71.000 pola Secretaría Xeral de Igualdade.