O Karpin Galicia enfróntase á súa segunda proba por terras portuguesas
O equipo profesional galego inicia no país veciño o segundo ciclo da tempada. Ademais de subir ao podio portugués, todos as olladas dos ciclistas están agora na 'Vuelta a España'.
O premio dedícaselle a Joaquim Agostinho
O Karpin Galicia desprázase a Portugal para disputar do 11 ao 15 de xullo o GP Torres Vedras-Memorial Agostinho, e presenta un bloque homoxéneo nesta proba portuguesa do calendario UCI: leva a Marcos Serrano, Isidro Nozal e Eladio Jiménez como principais bazas.
Completan a formación galega Gustavo C. Veloso, Enrique Salgueiro, Ramón Troncoso, Gonzalo Rabuñal e Luís Fernández Oliveira.
O ecuador da tempada: a medalla de bronce
Os campionatos estatais -onde o equipo galego conseguiu unha medalla de bronce-, marcaron o medio xusto da tempada para os corredores do Karpin Galicia, e, a partir de agora todos os esforzos dos ciclistas estarán centrados 'Vuelta a España', aínda que tamén marchan decididos a pisar o podio en terras lusas.
O GP Torres Vedras-Memorial Agostinho
Conta cun prólogo e catro etapas. A segunda delas, que se disputará na terceira xornada de carreira, preséntase como a máis decisiva ao coincidir a meta no alto de Montejunto, porto de primeira categoría.
O Karpin Galicia terá como rivais os nove equipos profesionais portugueses, os españois Andalucía-Cajasur, Spiuk-Estremadura e Nicolás Mateos; o francés Cofidis e o americano Slipstream.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto