Vieiros

Xogan este domingo, ás 17:00, no pavillón monfortino da Pinguela. É a cita máis importante do volei feminino en Galiza, e vai ser difícil que as coruñesas poidan terminar coa supremacía Monfortina (levan xa 13 copas consecutivas gañadas).

Aínda que, por outro lado, esta debúllase como a final máis igualada da historia: as herculinas van marchando moi ben nos últimos encontros (coa chegada dos reforzos brasileiros Katia dos Santos e Nicole Kurtz), e as monfortinas acusan as baixas definitivas das xogadoras peruanas Zamudio e Baylón, cousa que tamén as está a afectar na segunda volta sa Superliga B (até agora van de cuartas).

Antes do partido hase aproveitar para presentar as escolas deportivas de voleibol de Lemos, nun acto que comezará ás 16:00 horas.

O partido será televisado en diferido polo canal da TDT da Galega, á volta das 21:30 horas.