Vieiros

Unha iniciativa simbólica, bautizada Earth Hour, para a que se solicita a colaboración de todos os cidadáns. Un dos promotores, o colectivo WWF-Adena , convida así a demostrar a preocupación pola situación que afronta o planeta "cun xesto tan simple" como o de darlle á chave da luz e renunciar á electricidade durante sesenta minutos.

O proxecto trata de subliñar a importancia de que fogares e empresas tomen conciencia da necesidade de implicárense na xestión máis eficaz dos recursos dos que nos fornece o planeta, e de xeito especial, sobre a ameaza do quecemento global e o cambio climático.