Os camiños da Bioinformática a estudo
Durante cinco días, analizaranse as aplicacións das novas tecnoloxías no desenvolvemento, por exemplo, de novos fármacos.
Este luns arranca na Facultade de Matemáticas de Compostela un curso de verán sobre bioinformática. Durante 30 horas lectivas, repartidas en cinco xornadas consecutivas, estudarase como a informática pode contribuír a realizar estudos xenéticos e a crear novos fármacos.
O curso da USC, dirixido por Xosé Antonio Álvarez Dios, está cofinanciado pola Facultade de Matemáticas, o Instituto de Matemáticas da universidade e mais a Rede Galega de Bioinformática.
As conferencias do curso serán impartidas maioritariamente por profesores, técnicos e investigadores da propia universidade compostelá, e tratarán temas como xenética, ferramentas informáticas, novos avances na materia e experiencias prácticas.
Tamén se desenvolverán catro obradoiros: de análises de datos de microarrays, de estudos de asociación xene candidato, de introdución ao deseño de fármacos e de ferramentas de clasificación.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto