Vieiros

O sindicato CIG-Ensino acusou a Consellaría de Educación de excluír o galego das cuñas radiofónicas e de "non ter reparo" en pagar "con diñeiro público autopropaganda feita en castelán".

Nun comunicado, CIG-Ensino lamentou que o departamento autonómico faga explícita unha "clara persecución contra o idioma" e persista na súa política de "exterminio e marxinación" do galego, xa que usa o castelán "nunha porcentxe desmedida e exclusiva na maioría de medios de comunicación".

Así mesmo, considera grave que se use "unha gran cantidade de diñeiro público", que procede "dos recortes que se están a facer en prestacións sociais", como foi a gratuídade dos libros de texto. Por iso, pediu que destine os fondos públicos "a manter unha prestación que foi unha conquista social".