Vieiros

Xa está na rúa o CD da Descarga ao vivo, unha gravación ao vivo que reflicte a realidade do proxecto. Unha fusión musical sen calzadores. Espontánea, natural, harmónica, elegante. As xotas e muiñeiras galegas, a guajira e a rumba cubana, as habaneiras, o danzón. O folk galego e o jazz latino nunha simbiose musical perfecta, como xa acontecera na illa a principios do século XX. Porque a música galega que naceu en Cuba por fin chega a Galiza.

Este CD vén acompañado dun DVD de agasallo que contén as imaxes da xira, da estrea no Teatro Mella da Habana e dos concertos da Coruña, Compostela e Vigo. Un making off que dá fe do encontro, da convivencia sonora e anímica, da complexidade do proxecto, da satisfacción do resultado. Pablo Milanés cantando Aí vén o Maio en galego é un os extras de agasallo que poden escoitarse no DVD, que se completa con imaxes da xira e cunha galería de fotos.

Descarga ao vivo é proxecto musical redondo, o evento máis ambicioso que se presentou o pasado ano en Galiza. O disco opta aos Premios da Música, aos Grammy Latinos e aos Premios da BBC.

Venres 29 de xaneiro ás 12 h
Presentación do CD-DVD de DESCARGA AO VIVO en Barcelona.
Centro Galego de Barcelona (Les Rambles 35-37)
Con intervención dos artistas, proxeccións, audiovisuais e música en directo.

Sábado 30 de xaneiro ás 22 h
Concerto de Alejandro Vargas Trío
Ateneu Popular de Nou Barris. (c/ Portlligat 11-15)
Alejandro Vargas. Premio Cubadisco en 2008, ofrecerá o mellor do seu jazz cubano inspirado no órgano oriental.