Edición xeral
Terra Galega e PPdeG pechan un acordo de goberno en Narón
As dúas formacións suman 15 dos 21 concelleiros que ten a corporación.
O alcalde de Narón, Xoán Gato, o 25 de xullo
Logo de semanas de reunións maratonianas, Terra Galega (TG) e o PPdeG de Narón asinaron un acordo de goberno para o municipio de Narón. Os cinco concelleiros populares van apuntalar a maioría simple (10 concelleiros) que lograra o histórico alcalde Xoán Gato. BNG e PSdeG quedan na oposición con tres edís cada un.
A líder dos populares, Ánxeles Díaz, e o rexedor teñen previsto dar este mesmo venres unha conferencia de prensa para explicar as condicións do acordo e o reparto de áreas no executivo.
O municipio de Narón, con case 36.000 habitantes, é o noveno máis poboado do país. Xoán Gato é alcalde dende 1985, cando militaba no PSG-EG. Posteriormente formou parte de Unidade Galega, organización que abandonou por estar en contra da integración no BNG. Logo de gobernar baixo as siglas de Unidade por Narón, entrou a formar parte do proxecto de Terra Galega.
Novas relacionadas
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto