Vieiros

Deliberacións, dúbidas, licor café... O xurado xa votou. E sumadas as puntuacións o gañador é... O Fillo do Mar, d'A Banda de Balbina.

A Belén Xestal e Alberto Dopico (do programa da TVG, Quen Toca?), Alberto Rivero (da Radio Galega) e o actor e humorista Roberto Vilar correspondeulles a difícil tarefa de remexer na creatividade musical desta edición 2009 e puntuar os dez temas finalistas do A Polo Ghit 2009. Cinco dos temas elixíranos eles mesmos, e os outros cinco saíran da votación popular a través do teléfono, SMS e na propia web de A Polo Ghit. Aquí os dez competidores que chegaron á final, e ordenados segundo a puntuación recibida polo xurado:

• 1. O Fillo do Mar, de A Banda Balbina
• 2. Tirapalá, de Faneca Brava

• 3. Astronauta, de Sínefres

• 4. A Festa Total, de Festicultores Troupe

• 5. Xoán, de Alumetes

• 6. Ponme unha birriña, de Rumbongo Band

• 7. Don Quixote 2009, de Fachenda Galega

• 8. Perfecta, de As Garotas

• 9. Un día puideches reinar, de Labazada
• 10. Lonxe da praia, de Lolo Arincón

Recordámosvos tamén que logo do remate das votacións o pasado xoves 27, os internautas elixiron maioritariamente como o seu tema favorito deste A Polo Ghit 2009 a peza Lonxe da praia, de Lolo Arincón.