Vieiros

Houbo amplo interese esta semana en Euskadi pola visita de Brian Currin, avogado sudafricano que formou parte naquel país da Comisión da Verdade, formoi parte da Comisión de Revisión de Sentenzas de Irlanda do Norte e traballou en procesos de paz en Sri Lanka, Ruanda e Oriente Próximo. Currin chegou a terras vascas convidado pola plural rede cidadá Lokarri.

Currin foi claro ao respecto das recentes detencións de líderes da esquerda abertzale, advertindo de que "levalos a prisión é algo totalmente incomprensíbel". Na súa opinión é "claro" o proceso no que estaban traballando e confía na vontade deste sector de volver á escena política e contribuír a que a ETA deixe as armas. "Para acabar coa violencia é necesario que a esquerda abertzale leve consigo á ETA na viaxe, e separarse da ETA non conseguiría a fin da violencia: ETA debe ir con eles na viaxe", reflexiona. Nesa liña, considera un cambio clave en favor da paz que a esquerda abertzale "puidese participar de xeito libre no ámbito político e democrático, sen prohibicións" e defende o camiño aberto co documento de análise e estratexia política que debaten as bases de Batasuna nas últimas semanas.

Para ampliar:

• No Gara: Currin confirma a iniciativa de Batasuna e afirma que "a esquerda independentista ten que facer esta viaxe coa ETA"
• Na EiTB: Brian Currin ve "encomiábel" a iniciativa de Batasuna
• No Diario Vasco: Batasuna e a ETA saben que o proxecto político depende da fin da violencia