Vieiros

"Esta canción trata, como todas as cancións do verán, de sol, praia, sexo, etc. Pero, tras a catástrofe da plataforma Deepwater Horizon (e as do Exxon Valdez, Urquiola, Erika, Prestige...), co que ten chupado o océano, quen se atreve a bañarse no mar? Este tema "technoecolóxico" denuncia, con certa ironía, o vertedeiro no que se están transformando os nosos océanos".

Deste xeito nos contan a xente de Gheada deste seu ghit 2010 baixo o título 'Praia'. Recordade que no especial 2008 Gheada participou coa peza Xeikiourás.

Letra:

(Vamos a plaia)

Uuuh, morena
está subindo a marea
que bonito é o mar
cando navega o dollar


Chapapote nas estrelas
chapapote nas gaivotas
chapapote no teu corpo
prepárate a morenar

(Vamos a plaia morenar con piche)

Uuuh, morena
o teu corpo Exxon Valdez
a tua proa Urquiola
a tua popa Prestige


Vamos da-la despedida
despedida do teu mar
sóbranos o chiculate
rompeu a chiculateira