Edición xeral
TAV Vigo-Porto: nin rastro de 2013 no papel
Sócrates ratifica o compromiso dos gobernos portugués e español co proxecto, mais no comunicado oficial conxunto non se mencionan prazos concretos.
Foto de familia (clique para ampliar)
O primeiro ministro de Portugal, José Sócrates, ratificou ante os medios o compromiso do seu goberno e mais do español para que as obras do TAV que unirá Vigo co Porto culminen "en 2013".
Porén, o comunicado conxunto subscrito polos dous executivos ao termo da XXIV Cimeira hispano-lusa, esta quinta feira na localidade española de Zamora, non menciona prazos concretos.
En concreto, o documento sinala que ambos os dous xefes de goberno "anovaron o seu firme compromiso de impulsar os proxectos de tren de alta velocidade Madrid-Lisboa e Porto-Vigo".
Sócrates precisou que xa se lanzou un concurso para a licitación das obras dun primeiro tramo da liña Madrid-Lisboa e confiou que os traballos se poidan adxudicar neste "primeiro semestre de 2009". No caso do proxecto atlántico, as obras non comezarán como mínimo deica 2010.
Ademais, de Sócrates e do seu homólogo español, José Luis Rodríguez Zapatero, participaron na cimeira o presidente da Xunta, Emilio Pérez Touriño, así como numerosos ministros e conselleiros e mandatarios das comunidades autónomas españolas limítrofes con Portugal.
Sen comentarios
Novo comentario
Se xa tes o teu nome en Vieiros, podes acceder dende aquí:
Máis Alá, Fwwwrando, Galego.org, GZ-Deportiva, Canal Verde, Lusofonía, Irimia, Cartafol, Murguía
RSS
| Que é Vieiros?
| Que é o RSS?
| Creative Commons
| Publicidade
| Director
| O equipo
| Contacto