Vieiros

A maior axencia de noticias en lingua portuguesa, a Lusa, difundiu esta cuarta feira unha entrevista con Alberto Núñez Feijoo. O presidente da Xunta foi preguntado por diversas cuestións, entre outras, a relación entre o Norte de Portugal e a Galiza no marco da Eurorrexión.

"Galiza e Portugal teñen que ir da man e tentar facer lobby coas restantes rexións europeas para non perderen. O obxectivo número un é facer lobby para que os fondos transfronteirizos aumenten no orzamento da Unión Europea", sinalou, e destacou a importancia do Eixo Atlântico para estreitar lazos.

Noutra cuestión, a do ensino da lingua portuguesa na Galiza, Feijoo recordou a importancia global do portugués, que a par do inglés e do castelán son "eixos vertebrais dos idiomas" e "de haber demanda", a Xunta apostará polas aulas de portugués "nalgún centro educativo e nas Escolas Oficiais de Idiomas".